通訊事務管理局︰寬頻上網服務須知｜價格、期限、速度、安裝、搬屋手續統統要睇

香港固網寬頻服務市場競爭激烈。現時大部分住宅用戶都有兩家或以上嘅固網營辦商可以選擇，市場入面熾熱嘅競爭為消費者帶嚟更好嘅服務質素同更便宜嘅價錢。但係申請固網寬頻服務之前，精明嘅消費者，應比較唔同營辦商提供各類服務計劃價格、條款同條件，注意以下各點：

1. 服務計劃價格

固網營辦商通常會按唔同嘅固網寬頻服務計劃收取唔同嘅費用。費用視乎多項因素，例如寬頻速度、計劃附帶嘅其他服務（例如Wi-Fi、固網電話、收費電視同其他增值服務）、禮品、其他同計劃相聯嘅推廣優惠，以及合約期長短等。消費者要仔細閱讀營辦商提供的服務計劃，睇清楚條款同條件（包括最短嘅服務訂用期），並同其他營辦商所提供服務計劃比較，選擇最切合自己需要嘅服務計劃。

營辦商可能會視乎銷售地點或者渠道（包括電話熱線、網站、流動銷售攤檔同零售店），就相同嘅固網寬頻服務計劃收取不同嘅費用或者提供不同嘅優惠折扣。決定訂購之前，要盡量了解可能選用嘅營辦商喺不同銷售渠道同地點，提供嘅價格或者折扣優惠。

2. 簽訂「固定期限合約」

喺簽署「固定期限合約」前，要詳細閱讀合約條款，例如有關合約期同提前終止合約的條款。請參考選用服務前你應注意嘅事項。

3. 固網寬頻服務速度

固網營辦商所支援嘅固網寬頻服務速度，一般取決於客戶處所嘅位置，以及營辦商提供寬頻接駁所使用嘅技術。就算營辦商聲稱速度睇嚟好吸引，但你要注意所謂嘅速度可能只係理論上嘅「最高速度」，而唔係用家可以實際體驗到嘅速度。實際速度受好多因素影響，包括網站伺服器嘅流量處理能力、用戶裝置嘅性能及規格、所使用嘅軟件同應用程式、國際頻寬同共用接達頻寬嘅用戶數目等。如果你屋企用Wi-Fi Router，你可以用嘅實際數據下載速度，會取決於Router支援嘅Wi-Fi標準版本同連接路由器嘅用戶數目。如果對網絡或者設備嘅表現有疑問，可以向營辦商或者設備銷售商查詢。

4. Over-the-top (“OTT”) 內容服務

現時，消費者可透過固網寬頻服務接達內容供應商喺互聯網上提供的視頻服務（俗稱「OTT內容服務」）。部分固網營辦商或者會同個別OTT內容供應商合作，喺佢哋提供嘅固網寬頻服務組合入面，附加畀用戶收睇若干收費OTT內容服務嘅權利。訂購固網寬頻服務之前，你可以向營辦商查詢，確定你有興趣嘅收費OTT內容服務係咪包括喺服務組合入面。

5. 安裝和鋪線

營辦商或者需要喺你屋企鋪設新線路、重鋪線路或者鋪設明線，提供固網寬頻服務。決定訂購服務前，要查詢安裝同鋪線安排，並喺有需要時安排營辦商實地視察。

6. 搬屋

如果喺合約期屆滿之前，因為搬屋而需要更改固網寬頻服務嘅安裝地點，應向營辦商查詢固網寬頻網絡係咪覆蓋到新地址，以及係咪有足夠嘅網絡容量，搬屋後繼續為你提供服務。消費者亦應向營辦商查詢，喺合約期內搬遷使唔使加錢。

如果營辦商因你搬屋嘅址唔喺網絡覆蓋範圍之內，或者網絡容量不足而無法提供服務，而你亦想終止服務，就要睇清楚合約內的條款及條件，以確定自己嘅權利同責任。

7. 終止和續訂服務合約

如果你想轉寛頻公司，應該向現有營辦商，查詢同埋細閱合約有關「提早通知」的規定，同代通知金的安排。你要注意合約期屆滿後嘅安排，例如自動延長合約期或續約，或者按當前嘅市場價格或合約所指明嘅價格按月延長提供服務。請參考固定期限合約屆滿及終止服務須知。

為咗增加服務資訊嘅透明度，以及令消費者有更充份嘅認識，通訊辦已經喺網站公布各營辦商嘅家居寬頻服務終止安排詳情，當中列出咗每個營辦商嘅處理方式。

總括嚟講，市場上嘅固網寬頻服務種類繁多，精明消費者應該查詢同比較各個服務計劃，了解清楚服務計劃嘅條款,口條件。

消費者唔使急於作出決定，反而而格多啲價，挑選最切合自己需要嘅服務計劃。

hk4price嚮應OFCA呼籲，為你搜羅全港sales電話，畀你逐個逐個問~~~

即刻入 SALES 黃頁電話薄 問清楚啦

資料來源